پارێزەری شێرکۆ معارفی: هەردەم ئەگەری لە سێدارەدانی شێرکۆ لە ئارا دایە

سەعید شێخی وەکیلی بەندکراوی بە ئیعدام حوکمدراوی کورد شێرکۆ معارفی ئەوەی پشتراست کردەوە کە ناوبراو دژ بەو حوکمە داسەپاوە لە رۆژی ١٦ی خاکەلێوەوە لە زیندانی سەقز دەستی داوەتە مانگرتن. هەروەک راشیگەیاند کە حوکمی ئیعدامی سەپێندراو بە سەر شێرکۆ بە پێچەوانەی پرەنسیپە سەڵمێندراوەکانی قەزاییە و بە داخەوە پێداچوونەوەشی بۆ ناکرێ. 
بە پێی هەواڵی "لاوان بۆ مافی مرۆڤ لە ئێران" سەعید شێخی هەروەها رایگەیاندووە کە دادگای بەرز کە پێداچوونەوەی بەو حوکمەدا کردووە وڵامی هیچکام لەو خاڵانەی نەداوەتەوە کە من خستبوومە ژێر پرسیار.